Mirë se vini në Informatest. Këto Kushte zbatohen për përdorimin e platformës, llogarisë suaj dhe çdo veçorie të lidhur me testet, bankën e pyetjeve dhe planin e abonimit. Duke përdorur shërbimin, ju pranoni këto Kushte. Nëse nuk pajtoheni, ju lutemi mos e përdorni platformën.

1. Shërbimi dhe veçoritë

Informatest është platformë praktike për përgatitje me pyetje në format provimi. Veçoritë mund të përfshijnë: simulime testesh, bankë pyetjesh, shpjegime/komente, raportime të pasaktësive, panel personal progresi, kredite virtuale (p.sh. QC/TC) dhe plane abonimi.

Platforma është jo‑zyrtare dhe nuk përfaqëson institucione shtetërore.

2. Llogaritë e Përdoruesve

• Duhet të jepni të dhëna të sakta dhe të mbani të fshehtë kredencialet.
• Jeni përgjegjës për çdo aktivitet që ndodh në llogarinë tuaj.
• Mund ta fshini llogarinë vetë nga cilësimet e profilit. Fshirja e llogarisë dhe e të dhënave është e pakthyeshme.

3. Privatësia dhe Cookies

Përdorimi i faqes rregullohet nga Politika e Privatësisë dhe, nëse zbatohet, politika e cookies (cookies). Sipas pëlqimit tuaj dhe rajonit nga i cili vizitoni faqen, platforma mund të përdorë shërbime të palëve të treta për analitikë dhe monetizim, përfshirë Google Analytics 4, Microsoft Clarity dhe Google AdSense dhe Journey by Mediavine.

4. Përdorimi i lejuar dhe i ndaluar

• Lejohet përdorimi personal dhe edukativ i platformës, në përputhje me ligjin dhe këto Kushte.
• Nuk lejohet akses i paautorizuar, scraping masiv, automatizim agresiv, shpërndarje malware ose manipulim i sistemeve.
• Nuk lejohet përdorimi i platformës për mashtrim në provime ose shkelje të rregulloreve të institucioneve.

5. Pronësia intelektuale

• Përmbajtja origjinale e platformës (struktura, dizajni, shpjegimet, kodi) i përket Informatest ose licencuesve të saj.
• Materialet e palëve të treta mbeten pronë e autorëve përkatës dhe përdoren vetëm për referencë edukative kur lejohet.
• Nuk lejohet kopjimi, riprodhimi, rishitja apo publikimi i databazës së pyetjeve pa leje me shkrim.

6. Kreditet virtuale, planet dhe pagesat

• Paketat me pagesë blihen me para reale përmes PayPal. Çmimet, monedha e pagesës dhe përfitimet e paketës shfaqen para konfirmimit.
• PayPal menaxhon procesin e pagesës, përfshirë llogarinë PayPal dhe/ose të dhënat e kartës. Informatest nuk ruan numra karte, CVV ose kredenciale PayPal.
• Pas konfirmimit të pagesës, platforma ruan vetëm referencat e nevojshme të transaksionit PayPal, paketën, shumën, monedhën, statusin dhe lëvizjet e QC/TC për konfirmim, support, auditim dhe evidencë.
• Kreditet virtuale (p.sh. QC/TC) përdoren vetëm brenda platformës, nuk janë para elektronike, nuk kanë vlerë monetare jashtë platformës dhe nuk mund të shkëmbehen për para.
• Ndryshimet e çmimeve vlejnë për blerjet e ardhshme dhe nuk aplikohen në mënyrë retroaktive.
• Nuk garantohet korrigjim, kompensim ose rimbursim automatik për çdo rast; çdo kërkesë shqyrtohet sipas politikave të platformës dhe ligjit të zbatueshëm.
• Përveç rasteve kur kërkohet shprehimisht nga ligji, pagesat dhe kreditet e përdorura mund të mos jenë të rimbursueshme.

7. Saktësia e përmbajtjes

Ne përpiqemi të mbajmë përmbajtjen të përditësuar dhe të saktë. Megjithatë, për shkak të ndryshimeve të mundshme në programe dhe burime, nuk garantojmë që çdo pyetje ose temë do të jetë identike me provimin real. Për informacion përfundimtar, referojuni njoftimeve zyrtare.

8. Moderimi, raportimet dhe masa ndaj llogarive

Ne mund të shqyrtojmë raportime, komente dhe sjellje abuzive për të mbrojtur komunitetin dhe sistemin. Mund të marrim masa (paralajmërim, kufizim, pezullim, mbyllje llogarie) sipas gjykimit tonë dhe pa detyrim për njoftim paraprak.

9. Disponueshmëria e shërbimit

Shërbimi ofrohet "as available" dhe mund të ketë ndërprerje, kufizime, ndryshime ose ndërprerje të përkohshme/përhershme pa njoftim. Nuk jepet garanci për disponueshmëri të pandërprerë, performancë të caktuar ose ruajtje të përhershme të çdo të dhëne.

10. Garancitë dhe përgjegjësia

Në masën e lejuar nga ligji, shërbimi ofrohet "siç është". Ne nuk mbajmë përgjegjësi për dëme indirekte ose humbje që vijnë nga përdorimi i platformës. Kjo nuk përjashton përgjegjësinë tonë kur ligji e ndalon një përjashtim të tillë (p.sh. në raste dashjeje ose neglizhence të rëndë).

11. Ndryshime në shërbim dhe në kushte

Mund të përditësojmë platformën dhe këto Kushte për arsye ligjore, teknike ose produkti. Versioni i fundit publikohet në këtë faqe dhe hyn në fuqi nga data e publikimit.

12. Mbyllja ose pezullimi i llogarisë

Mund të pezullojmë ose mbyllim aksesin nëse ka shkelje të rënda, abuzim, rrezik sigurie ose kërkesë ligjore. Rishikimi i vendimit mund të bëhet sipas gjykimit tonë dhe nuk përbën detyrim kontraktual.

13. Ligji në fuqi dhe juridiksioni

Këto Kushte rregullohen nga ligjet e Republikës së Shqipërisë. Çdo mosmarrëveshje i nënshtrohet juridiksionit të gjykatave kompetente në Tiranë.

14. Kontakt

Për pyetje rreth këtyre Kushteve, na shkruani në: support@informatest.app ose vizitoni faqen /contact.